北半球踏入秋天,唔少動物亦要食多啲嘢準備過冬。最近唔少人喺香港郊野發現蛇踪,而日本就有熊出沒,仲造成人命傷亡。

星期日 (10月18日) 上午,新潟縣新發田市有遊客於市中心發現熊踪,當中有人因為走近小熊而被母熊襲擊,好彩只係整爛咗件衫,並無受傷。

同日,長野縣鹽尻市,一位95長者在稻田被熊襲擊,頭部受傷,幸仍有意識。

本月日本熊踪

  • 10月1日,新潟縣一名70歲老婦被襲擊,送院後不治
  • 10月3日,福井縣兒童科學館門外發現有熊出沒,大批兒童及家長隨即進入建築物內避難
  • 10月12日,新潟縣發出「熊出沒特別警報」,呼籲縣內民眾嚴加防範熊出沒
  • 10月16日,群馬縣水上町溫泉區,一名溫泉酒店住客被熊襲擊
  • 10月17日,新潟縣警方收到三宗汽車與熊相遇嘅報告。事件中無人受襲

山上食物短缺

唔少老一輩嘅居民話,未見過熊會去到城市人多車多嘅地方。唔少城市人見到熊,會因為好奇去圍觀,令熊受驚而襲擊人類。當區已經呼籲大家要遠離熊類,更加唔好嘗識近距離接觸佢哋。

日本有專家解釋,今年日本山區的果樹失收,果實數量不足以滿足熊的需要,所以佢哋被逼下山到人類聚居之處搵食物。

資料: NHK

張伯倫
自細肥仔一名,後來因發現患有脂肪肝,決心多做運動注重健康,曾參加並完成毅行者,關注所有健康資訊。