日本旅遊業深受疫情影響，其中相當依賴台灣及香港旅客嘅沖繩，打擊嚴重。沖繩縣暫時約有4,000人確診，六十多人死亡。年中疫情爆發時，沖繩那霸市著名旅遊景點「國際通」現倒閉潮，疫情至今已有40間店舖結業及38間店舖休業，市面變得冷清。至於其他旅遊景點，情況亦相當嚴峻。
深受台灣及香港旅客歡迎嘅「沖繩兒童王國」，結合動物園、博物館、遊樂場，不過疫情下遊客大減，兒童王國一度閉館。重開後，遊客大跌九成，最慘嘅一日只有5人入場。不過公園仍然按計劃進行多項改善工程，並於年底完工。
艱苦經營之下，呢個有50年歷史嘅兒童王國發起募捐籌款，希望籌得款項用以資助飼養動物開支，令佢哋唔會受到影響。
資料: readyfor.jp
講求綠色、環保、天然的健康生活。推廣新一代健康生活文化。
