森林公園差唔多個個國家都有，但點先可以吸引到遊客? 葡萄牙政府就諗到同人鬥「長」!
位於葡萄牙西部，距離城市波圖60公里嘅阿羅卡地質公園 (Arouca Geopark)，興建吊橋 Arouca 516。吊橋全長516公尺，以鋼索懸吊喺175公尺嘅河谷上，佢打破瑞士 Charles Kuonen Suspension Bridge 494公尺嘅紀錄，成為全球最長吊橋。
----- 廣告 Ad -----
早前吊橋進行測試，開放畀當地居民試行。佢哋話成個過程雖然只有10分鐘左右，不過因為吊橋會搖來搖去，而且橋面係透視設計，可以直望河谷，所以一步一驚心，覺得好刺激，好好玩。
吊橋會於今年5月正式開放，當局希望可以吸引遊客，以振興多年來疲弱不堪嘅經濟。
資料: 英國衛報
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。