英超熱刺唞暑期間，去到孫興慜老家韓國踢表演賽。領隊干地 (Antonio Conte) 出名重視體能訓練，一到埗就嚟一課兩小時體能訓練，操完兩個鐘再加 15 x 300米來回衝刺跑。呢兩日韓國首爾日頭氣溫有成30度，唔好話哈利簡尼，就算以體能見稱嘅孫興慜，都操到虛脫咁濟。
四大飲食規條
干地呢位意大利領隊鍛鍊球員體能絕不手軟，去年上任熱刺主帥，就著手加強球員體能。除咗喺訓練場作針對式操練，仲控制球員嘅飲食，定下四大飲食規條:
- 禁食肥膩食物及三文治
- 禁絕茄汁及蛋黃醬
- 多食生果，拒絕果汁 (有助降低吸收糖份)
- 減少食用油及牛油
結果，多位球員真係減到磅，球員雖然被佢操到媽媽聲，不過見到有成績，都唔會有投訴。
----- 廣告 Ad -----
哈利簡尼
永誠
講求綠色、環保、天然的健康生活。推廣新一代健康生活文化。
