----- 廣告 Ad -----
黃山遊客滯留山上
今年農曆新年假期，遇啱大陸放寬防疫措施，各地民眾可以自由出行，令各個景區遊客大增。湖南張家界、山東泰山，以至陝西華山都出現登山人龍，有景區更加要拉閘封閘，停止售賣入場券。
安徽黃山情況尤其惡劣，當地錄得自2018年以來最多遊客，入場人數多達35,000人。而且，年初三撞正當地氣溫急降，山上氣溫低見攝氏零下15度。山上情況惡劣，遊客亦爭相離開，導致落山出現人龍，普遍要等五個鐘先可以離開。有遊客更話，佢由中午12點開始落山，結果排到夜晚7點先到閘口，返到屋企發現自己生咗四粒凍瘡。
----- 廣告 Ad -----
網民指責有關單位見錢開眼，無理過山上情況，亦無計算管理單位嘅能力，無限制入場人數，導致遊客未能有效率落山。當局隨即公開回應，呼籲景區管理單位，要控制入場人數，以免發生意外。
資料: 山西晚報
