----- 廣告 Ad -----
日本政府日前再度放寬入境檢疫措施，於9月7日開始，入境日本旅行團取消「在地導遊」限制。新措施大大吸引香港以至台灣人到日本旅遊意欲，但因為措施為新出台，不少人對執行細節有很多疑問。
到日本旅遊程序
- 參加由日本旅行社組織的「旅行團」，香港旅行社亦可參加相關旅行團
- 「旅行團」要有預計的「行程安排」
- 經日本旅行團辦理入境簽證*
- book 飛機票 (價格可升可跌)
- book 香港隔離酒店
*消息指台灣申請兩個月，費用更越來越貴。簽證手續費大約港幣$2500
----- 廣告 Ad -----
問題一: 我係咪可以去日本「自由行」?
唔可以。你唔可以就咁拎本 passport 上機入境日本，要先參加由日本旅行社組織嘅旅行團；旅行團要有預先安排行程，你亦要透過日本旅行社辦理入境簽證。
不過日本政府無限制旅行團最少要幾人，香港旅行社「東瀛遊」負責人禤國全話「一人旅行團」都得。所以理論上，只要花得起錢，你組織一個人嘅「旅行團」都得。
問題二: 我去日本跑「東京馬拉松」、行富士山等活動得唔得?
禤國全指，遊日旅行團嘅行程，只要列出行程中到達縣市就得，唔使講會去做乜。所以理論上，只要你拎到東馬名額，或者申請到富士山入山證，進行呢啲活動都應該無問題。
不過要注意就係，日本政府講明遊日旅客要「避開高密度人群，防止感染考慮的路線」。馬拉松比賽係咪高密度人群人呢? 畀政府知道會唔會有法律後果呢? 就要再問下專業人士。
出遊日本注意
- 保險: 如果喺日本患上疫症，必須去醫院隔離，醫好先可以返香港。呢段期間嘅住院同醫療係自費，所以要查清楚保險，保險唔包負擔都幾大。
- 香港隔離措施: 現時由海外回港需要「3+4」安排，所以要預訂至少3晚隔離酒店。
----- 廣告 Ad -----
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。