----- 廣告 Ad -----
湖北咸寧風景區
農曆新年長假期間，一名去湖北咸寧一個風景區行山嘅遊客劉女士，行山時將手機掉落深達700米峽谷河溪。佢通報景區管理處後，景區人員竟然隔日派出抽水機，截斷河流將河水抽乾，搞咗8個鐘之後終於將手機搵返。
管理員派人去河溪打撈手機
劉女士拎返手機當然開心到不得已，但網上言論就一面倒質疑景區管理單位做法。大家都覺得手機咁高跌落河，就算執返都唔可以再用，覺得劉女士嘅要求唔合理之餘，景區屬政府部門，咁嘅做法根本係勞民傷財。有人甚至相信劉女士有特權，唔係又點會叫得郁有關人士呢?
----- 廣告 Ad -----
事件經幾日發酵之後，官方喉舌新浪網發文澄清事件，話呢位劉女士只係普通遊客，無特殊身份，叫大家唔好胡亂揣測。而景區亦回應話，佢哋呢個做法只係想「讓遊客滿意」。
劉女士送錦旗多謝管理員幫佢搵執手機
去到呢個地步，只能講句「信不信由你」。有網民話，唔知劉女士跌嗰部係咪華為機，而執返上嚟變咗做 iPhone 呢?
資料: 快報
