大陸民間盛行打麻雀，更有一個叫「國際麻將聯盟」嘅組織。佢早前聯同「中國棋院杭州分院」成立「麻將運動技術等級評定中心」，推出《麻將運動技術技能等級評定管理辦法》，將打麻雀活動視為正規運動，更建立「麻將運動員」登記制度，只要識打麻雀就可以登記註冊，結果登記首日報名人數太多，伺服器癱瘓。
「麻將運動員」註冊制度
- 需經指定程式登記
- 分三個項目:「四川麻雀」(無得上只有碰)、「國際麻雀」(類似廣東牌，打埋花) 以及「立直麻雀」(類似日本牌，叫糊要出聲)
- 麻將運動員技術等級共18級，分為業餘和職業兩個層級
- 一般人都可註冊，每級都要考核，10條問題答啱7條就可以升級
機構發言人話，頭兩級會好容易，之後會越來越難。佢仲話透過註冊制度，可以大家更明白麻雀係一種健康嘅智力運動，並唔係玩玩下。有網民更加認為，呢個制度可以令麻雀有朝一日成為奧運項目。
資料: 新浪財經
