最近中國一名大叔紅遍網絡，佢著住幾吋高斗零踭高踭鞋，喺田徑場、跑步機及石屎地跑步，結果粉絲迅即升至120萬，仲話經佢手賣出嘅高踭鞋，每月高達600萬營業額。
大叔今年41歲，四川人士，佢話畢業後搞個幾次生意，賣過蛋糕、賣過窗簾，不過統統執笠收場。後來佢轉行賣高踭鞋，資料搜集時有女士反映，話著住對高踭鞋唔可以跑，覺得好麻煩。於是佢以「可以跑步的高踭鞋」改良鞋款，仲由佢自己上陣測試產品，結果大受歡迎。
大叔賣唔賣到咁多對鞋就不得而知，不過睇佢對住咁高嘅高踭鞋高速跑步咁危險，都值得拍兩下掌支持下。
資料: 網易
