失戀下怒跑運動場400米，安徽大學田徑隊隊長刷新學校12年紀錄

安徽六安市一間大學，早前發生一段可歌可泣故事。就讀體育系兼大學田徑隊隊長嘅男學生，收到女友派畀佢嘅「好人卡」，被強行分手。隊長一時情緒激動，衝去運動場連跑8個400米，過程被一班田徑隊隊員拍攝，有人仲同佢計埋時。點知一計之下，竟然發現隊長打破大學保持12年嘅400米紀錄。呢個時間當然唔係正式紀錄，但足以令佢揚威大學田徑場。

可惜嘅係，雖然隊長咁威，但據講未能令女友回心轉意，而隊長亦受到多方面壓力，有網民話而家大學考試期，隊長唔專心讀書搞兒女私情，要求學校嚴懲咁話。

資料: 百度