安徽男童懶到出汁，放棄用腳行全程碌落山

安徽首府合肥市嘅大蜀山，海拔高284米，係全市最高點，亦屬國家森林公園範圍。每逢假日逼滿郊遊市民。呢座公園其實無乜特別，不過最近就引來唔少人留意。

公園之所以突然出名，係因為上面呢位小朋友。小朋友唔知係咪上山行到攰，落山竟然拒絕步行，選擇以360度「自滾」嘅方式落山，途人見到紛紛讓開。

有遊客擔心男童受傷，叫佢父母加以勸阻。不過佢阿媽話:「佢鍾意碌咪畀佢碌囉。」

聽到阿媽咁講，大家都似乎明白「條路自己揀，碌親唔好喊」嘅道理，繼續拍片算數。

資料: 光明網