Fitz > 新聞 News > 中超球會被指違反中央政策,少於半年確診者禁入場睇波

中國超級足球聯賽第二階段8月展開。隔著疫情放緩,中超球賽亦容許觀眾入場╴不過有地區球會就對曾確診球迷下達禁令,半年內中過招就無得入場睇波。

大連市政府日前就當地球會「大連人」售票情況發出公告,話嚟緊嘅12場中超主場賽事,都會開放觀眾入場,上限為20,000人。不過就有八類人士禁止入場:

  1. 半年內被診斷為確診病例
  2. 疑似病例或無症狀感染病例
  3. 賽前10日內與確診病例有密切接觸者
  4. 疑似病例或無症狀感染者有密切接觸者
  5. 居住地社區賽前10日內曾發生疫情
  6. 發燒 (37.3°C以上)
  7. 有疑似症狀且未痊癒
  8. 賽前10日內本人及家庭成員 (共同居住人員) 有境外地區旅居史或人員接觸史

當中,禁止「半年內被診斷為確診病例」令唔少市民反感。有球迷指出,中央政府已明令「不得歧視曾有新冠染疫經歷的人」,大連市政府同球隊有呢個安排,明顯違背中央政府立場。

中國大陸仍堅持要實施清零政策

有人甚至擔心,中超球會呢項安排,會唔會反映咗中國足協對曾確診者嘅歧視態度? 中超禁止曾確診者入場,咁其他球賽、其他活動,又會唔會對曾確診者,有各式各樣嘅限制呢?

資料: 新浪網聯合報