行山墮60米深谷叫天不應，忠犬護主36小時助脫險

香港有靈貓引路救人，英國上個月亦有同類事件。76歲嘅 Martin Clarke 同愛犬 Suki 去到英國約克郡 Lealholm 登山，途中 Martin 一時不慎跌落60米深嘅山谷，動彈不得。

雖然 Martin 未有即時生命危險，不過佢身處嘅位置距離山徑好遠，又打唔到電話，Martin 無論點樣叫都好難向外間求救。好彩，忠心嘅 Suki 好努力往上爬，走到山徑吠叫。皇天不負有心人，登山客 Tom 聽到狗吠聲搵到 Suki，然後跟住 Suki 搵到 Martin。當時 Martin 跌落深谷足足36小時，已經奄奄一息。最後致電當地救援隊，及時將 Martin 送院，人狗無恙。

呢件事令 Suki 成為救人英雄，佢唔單止守候主人36個鐘，仲搵到救援令主人逃出生天，發揮忠犬本色。