十年八年前，中國整治「光膀子」，禁止公眾場所赤膊光膀，以維護城市「文明形象」。當時唔少習慣喺夏天「打大赤肋」嘅大叔對措施相當反感，認為侵犯佢哋自由。估唔到咁多年之後，呢個紛爭依然存在。
最近中國持續高溫，四川樂山市一個公園，有男子喺跑步時除低上衣，點知公園入面有大媽就覺得被冒犯，向公園管理員投訴。管理員引用公園禁止「袒胸露懷」規定，勸喻赤膊男子著返件衫。不過呢位男子情緒激動，與在場人士爭執。
據官媒《新浪網》轉載報道，男子被朋友在勸導穿回上衣時，向公園管理員動武，更被指懷疑曾經喝酒，所以鬧事。報道並無解釋事主為何要酒後跑步，只交待了公園管理員報警了事，並認為事主應該注意言行。
資料: 新浪網
