陝西省首府西安市，最近發現一名男子喺大廈外攀爬，輕輕鬆鬆就由四樓爬落三樓。原來，呢位係住喺大廈嘅伯伯，今年93歲，佢話自己經常因為唔記帶鎖匙，所以就學其他後生仔，慢慢沿外牆爬返屋企。住喺附近嘅街坊已經見慣不怪，只早幾日佢呢個舉動被人用手機拍到，成為網上紅人。
老人爬外牆返屋企╴喺中國大陸其實唔算係大新聞，2020年成都就有90歲長者被困家中，由14樓爬落樓，去到5樓要由救援人員營救。
2024年巴黎奧運新增「運動攀爬」項目，依現時世界排名，估計歐洲及日本選手有力左右大局。如果中國搵到呢位高手出山，會唔會扭轉局勢呢?
資料: 騰訊
