美國古朱力品牌 Snickers，近日搵到韓國男團 BTS 做代言人，廣告引來唔少關注。除咗電視廣告，Snickers 仲喺韓國、馬來西亞，以及台灣舉行實體活動，當然 call 埋 BTS 到場，掀起呢幾個地方嘅韓團熱潮。
不過活動網頁就稱呼台灣做 Country (國家)，引來中國網民震怒。理由唔使多講，總之就辱華啦，佢哋仲話要罷買罷食。
結果，Snickers 美國總公司 Mars 於微博公開道歉，話已糾正有關資訊，仲話「尊重中國國家主權與領土完整，嚴格遵循中國當地法律法規開展業務運營活動」。
中國人呢期唔可以食意粉，連 Snickers 都應該唔食得了。
資料: 三立新聞
