最近 Netflix 新劇《后翼棄兵》 (Queen’s Gambit) 大熱,令國際象棋備受關注。關於象棋 (指國際象棋),一直以來都有極大爭議: 佢算唔算係運動項目?

象棋有望成奧運項目?

歐盟28個成員國中,有24個被視象棋為運動 (除英國、愛爾蘭、比利時及瑞典)。2006多哈亞運會,象棋首次成為大型運動會比賽項目,設有男女子個人賽及混合團體賽。到2010年廣州亞運,更新增男女子隊際賽。

至於奧運會,國際奧委會1999年首次將象棋視為一項潛在嘅奧運項目。由此開始,正規象棋賽事都要遵從一啲奧運規條,例如設立藥檢制度等。到2019年,歐洲象棋聯盟展開游說行動,目標要喺2024年巴黎奧運,將象棋納入奧運項目。

亞運會象棋賽

象棋係運動?

唔少人都探討過象棋是否一種運動,當中有唔人用以下論點去證明:

  • 具有競爭性 (competitive)
  • 有完善比賽制度及規例
  • 挑戰人類體能: 除咗講求腦力,捉象棋對身體消耗相當大。一場正式賽事可長達7小時。世界級選手會聘用營養師及健身教練
象棋挑戰高速電腦深藍

事實上,運動所追求並唔單純係體能上嘅挑戰,亦可以追求策略、智慧,以及專注力。所以,既然冰壼、射擊、射箭等可以喺奧運項目,咁象棋屬於運動亦非常合理。

資料: London Chess Conference


文章為作者意見,不代表Fitz立場。

歡迎投稿: http://fitz.hk/contribute/

永誠
講求綠色、環保、天然的健康生活。推廣新一代健康生活文化。