香港疫情有幾嚴重，唔使筆者多講。總之喺一罩難求之下，有醫生鼓勵大家多做運動，鍛鍊身體對抗病菌。不過，做運動都要適得其法，以免越做越病。
做劇烈運動後，身體往往出現「免疫空窗期」，抵抗力下降，更容易染病。
運動令身體「開窗」72小時
近年發現，進行劇烈運動時，負責免疫機能嘅淋巴細胞急劇增加。不過當運動結束，淋巴細胞數量迅速下降，而免疫機能亦同時回落，甚至低於運動前水平。有人就以「開窗」形容呢個時候身體嘅狀況，因為病毒較為容易進攻免疫系統，令身體染病。
這段時間稱為「免疫空窗期」，為時約3至72小時，視乎體質及運動劇烈程度。
「J」型曲線模式
有研究者發現運動同「上呼吸道感染」(upper respiratory tract infection) 嘅情況，發現兩者之間呈現一個「J」型曲線關係:
- 低運動量及劇烈程度 (下圖左邊一端): 危險級數中
- 中運動量及劇烈程度 (下圖中間位置): 危險級數低
- 高運動量及劇烈程度 (下圖左邊一端): 危險級數高
即係話，頻密做劇烈運動，比起唔做運動，更容易染病!
休息是關鍵
所以，做運動之餘，還需要多方面配合:
- 適當分配運動時間: 計算身體復原時間，不要令空窗期成為常態
- 注意休息: 休息可修復身體受傷地方，以及建立更建全免疫系統
- 均衡飲食
- 放鬆心情
此外，做運動切勿一曝十寒，養成運動習慣，先至可以強身健體!
延伸閱讀:《[康復香港] 做幾多運動 先可提升抵抗力?》
分享連結:
