強國知名A貨品牌「喬丹體育」,同正牌籃牌之神米高佐敦 (Michael Jordan)嘅侵權官司,打咗十年八載,都仲未搞掂。據講,前前後後一共78場官司,米高佐敦只係贏得3場,其他75場全部輸晒!

今年年初,米高佐敦就以品牌負責人身份,向全運會主辦單位發信,澄清 Michael Jordan 呢個品牌嘅真偽。誰不知,畀呢個知名A貨品牌「喬丹體育」反咬一口!


「喬丹體育」話,米高佐敦喺信中妖言惑眾,因為佢只係贏得3場官司,而絕大多數官司,都證明唔到「喬丹體育」對 Michael Jordan 有侵權行為。所以,發信畀全運會主辦單位呢個舉動,就令到「喬丹體育」聲譽受損,「導致該公司社會評價降低、遭受巨大損失」,更要「撤回上述律師函,公開賠禮道歉,恢復名譽、消除影響,連帶賠償精神損害撫慰金100萬元及維權費用10萬元。」

高登巴打人生哲理:「人無恥則無敵」。之前已有 Uncle Martian、New Barlun 呢啲,A貨可當正牌,然後惡人先告狀。Michael Jordan 面對呢個民族,睇怕點伸脷都諗唔到解決辦法!

唔通,佢最好都係乖乖地畀錢?

資料來源:中國新聞網

更多:
Fitz Facebook專頁
美國運動品牌任抄唔嬲?
阿婆地牢內褲變專業品牌? Under Armour 37億買起你嘅卡路里

首頁 > 運動 Sports > [籃球之神又中槍] 喬丹體育控告Jordan 索償110萬