[里約奧運] #撐自己人 撐本土 香港乒乓球隊

香港乒乓球隊星期二喺八號風球之下遠赴巴西出戰。

香港乒乓球隊，一直畀人嘅印象都係好多內地「入籍」嘅球員 (如李靜、高禮澤)，事實並唔係嘅。

2008年國際乒聯收緊「外援」嘅限制，香港乒乓球隊以「本土」先行。而今屆里約奧運，香港派出之6名球手之中，除咗唐鵬同帖雅娜兩位老將外，其餘都係由香港本土培訓之年輕球手。

黃鎮廷

----- 廣告 Ad -----

其中，24歲嘅黃鎮廷，現時世界排名第8，為港隊「一哥」。細過喺沙角邨石枱接觸乒乓球嘅佢，到6年前考完會考先決定轉做全職運動員。

另一位代表，女將19歲嘅杜凱琹，亦是後起之秀。佢喺今年4月嘅亞洲乒乓球外圍賽，淘汰世界排名第一的中國名將劉詩雯，打出個人代表作。

杜凱琹

至於23歲嘅李皓晴，今年亦在同一賽事鬥足7局，擊敗日本球手福原愛，備受讚賞！

仲有最後一位本土代表係何鈞傑，佢曾經奪得世界巡迴賽菲律賓公開賽男子單打冠軍。

希望呢班本土球手，聯同帖雅娜、唐鵬，喺里約奧運為香港爭取到好成績！

香港乒乓球隊：杜凱琹、李皓晴、帖雅娜、何鈞傑、唐鵬、黃鎮廷

更多：
Fitz.hk Facebook專頁
[里約奧運] #撐自己人 滑浪風帆 鄭俊樑 盧善琳
[里約奧運] #撐自己人 游泳 歐鎧淳
[里約奧運] #撐自己人 羽毛球 伍家朗 葉姵延
[里約奧運] #撐自己人 高爾夫球 陳芷澄
[里約奧運] #撐自己人 馬拉松 姚潔貞
[里約奧運] #撐自己人 香港單車隊
[人人奧運] 丹尼爾 x 黃蘊瑤 與鐵血女車神一盅兩件
[一個傳奇的誕生] 丹尼爾 vs 陳恩能 愛做有意義的事