[里約奧運] #撐自己人滑浪風帆鄭俊樑盧善琳

鄭俊樑(左) 盧善琳 (右)

20年前，「風之后」李麗珊第一面香港人嘅奧運金牌，證明「香港運動員唔係垃圾」。20年後，香港滑浪風帆隊，派出兩位奧運「新丁」出戰里約，延續李麗珊嘅精神。

盧善琳抽到比賽用嘅器材，仲係佢最鍾意嘅顏色。佢話：「器材真正到手個下就愈來愈覺得有比賽既感覺，好似上左身咁😌」 (來源：盧善琳 Sonia Lo HKG11 Facebook)

女子代表盧善琳，今年23歲，在年初嘅以色列世錦賽，RS:X級別中總成績得第8名，係港隊喺呢個級別中成績最好一次。而且佢喺亞錦賽奪得金牌，教練陳敬然亦認為佢喺奧運會有好表現。

----- 廣告 Ad -----

22歲嘅鄭俊樑，勇奪4次亞洲冠軍，亦係2010年青奧銀牌，被譽為新一代「風之子」。

鄭俊樑

佢哋兩位，同時亦係1996年李麗珊奪得奧運金牌嘅得益者。當時，總會推出「滑浪風帆兒童推廣計劃」，盧善琳8歲參加，鄭俊樑9歲入隊。年紀細細已經喺赤柱海灘接受訓練。

長時間喺赤柱嘅訓練，終於喺今次里約奧運有用武之地。因為里約賽場被高山環繞，飄忽不定嘅風向，同赤柱不遑多讓，令佢哋有如主場作賽！

項目	運動員	比賽時間 (里約)	比賽時間 (香港)
滑浪風帆 Sailing (RS:X)	鄭俊樑盧善琳	8/8(一) ｜ 14/8(日)	9/8(二) ｜ 15/8(一)

我哋坐唔定、無時停，唔做運動唔舒服! 只要係有用知識、重要資訊，以至好玩話題，Fitz都會全力搜羅，同時鼓勵「郁民」齊齊參與，打造一個開放嘅運動生活資訊平台。

[里約奧運] #撐自己人 滑浪風帆 鄭俊樑 盧善琳