香港人除左玩裝備，仲可以點？

新年賀歲片可以睇完就算，但解碼遊戲 imitation game呢套榮獲奧斯卡最佳改編劇本的電影，絕對不可錯過。二戰前英國數學家Alan Turing 被召參加破解德軍亂碼情報，每晚12點前就係限時，唔係人地改碼又由頭嚟過，呢個無間地獄令一班專家埋頭苦計，但turing 面對每日要計嘅無數個密碼可能性，佢偏偏唔係揸支筆去計，佢所做嘅係製造一部天價機器去計。

今日用電腦（計算機）不足為奇，但想像一下一個小學雞計唔唒一日嘅數學題，然後諗住去整部計數機出嚟去計唒d數，係咪離譜失實兼誇張先？

結果佢當然係成功左，重點係，如果你唔係數學家，呢個出發點絕對係感性出發，我地每日嘅限時都係一樣，12點正，打工仔要做嘅嘢隨時多過去應付德軍

「仲邊有時間做運動呀？」

每日運動一個鐘，bullshit。

常人應付唔到，因為大部分人唔夠浪漫，我地向生活嘅德軍亂碼低頭，點趕都趕唔上。其實，時間係都市僅有仲可以掌握喺自己手上嘅事，點樣先可以繼續做鐘意做嘅事？

我地每個人想喺生活提鍊精華，首先要有一部Christopher (Turing 部計數機），即係一個浪漫嘅原因，完成100km，去外國跑馬拉松，玩鐵人賽甚至乎爭名次，在旁人眼中或者是不可能，但其實邏輯上亦只有這個「不可能」的目標，才有現實中的可能性。

你有無呢種科學化的浪漫基因？

出發點要感性，執行要理性兼科學化。

科學化的手段有很多，例如一百幾十的小米手環，但我們需要的是科學化的浪漫基因—跑手特質。

更多：
寧要跑鞋，不要金牌!
fenix3有買趁手
Fitz運動文章