Fitz > 運動 Sports > [台灣研究] 6種最佳減肥運動 單車游泳無份?

做運動能有效減肥,呢個絕對係千古定理唔使拗,不過做咩運動最有成效? 台灣大學最近做咗一項大型調查,揭示6項最有效嘅減肥運動,出奇嘅係踩單同游水竟然無份。

台灣大學嘅研究團隊,採用本國「人體生物資料庫」,研究超過1萬8000名成年人嘅DNA,再分析一個人嘅BMI、體脂肪率、腰圍與臀圍等資料,從而搵出體育運動點樣可以有效降低人體嘅肥胖DNA。佢哋發現呢6種運動可以最有效減肥: (依有效性排名)

  1. 慢跑
  2. 爬山
  3. 健走 (快步行)
  4. 散步
  5. 瑜珈
  6. 土風舞或國際標準舞

令人大跌眼鏡嘅係,踩單車同游水呢兩項熱門運動,被剔出最有效名單。研究團隊發現,鍾意踩單車嘅人,當踩到攰嘅時候,往往放鬆下來,降低消耗卡路里嘅功效。至於游水,團隊發現游水好易令人肚餓,因而運動後會進食更多。

此外,佢哋亦發現氣功、伸展操、太極拳等運動,運動量不足以消枆身體熱量。而重訓、羽毛球、桌球、籃球、網球等運動,因為數據太少,無法分析。

研究團隊雖然推薦大家以慢跑肥減,不過亦強調,患有心臟病等長期病患者,做運動前需徵詢醫護人員意見。

資料: Taiwan News

Fitz連結:  https://fitz.hk/?p=123924


文章為作者意見,不代表Fitz立場。