Fitz > 運動 Sports > 日本疫情失控 奧委會資深委員: 東京奧運不一定舉行

踏入2021年,日本疫情「決堤式」失控,單日最高確診數字激增至2440人。首相菅義偉於1月7日宣佈新一輪防疫措施,包括部份地區實施家居禁足令、餐館提早關門,以及禁止學生參加非必要課外活動等。

原定延期至年中舉行嘅東京奧運,疫情下前景極不樂觀。來自加拿大嘅國際奧委會 (IOC) 資深委員 Dick Pound,早前向BBC透露,呢一刻無人肯定東京奧運可以如期展開。佢補充話,雖然而家有疫苗,奧委會亦鼓勵各國政府畀運動員優先注射,不過日本嘅感染情況,令各個委員都唔敢太過樂觀。

Dick Pound

日本電視台 NHK 於上月進行民意調查,有63%被訪者認為,奧運應該再次延期甚至取消。亦因為疫情影響,東京奧運展覽館需要關閉,連聖火都唔畀公眾參觀。可以話,當疫情一日未穩定放緩,無論運動員以至觀眾,都唔會有心情去理呢場運動會。

資料: CBCDW