Fitz > 運動 Sports > [里約奧運] 盛事裡的洋蔥

[里約奧運] 丹尼爾在巴西「做有意義的事」 1
星期五晚葉珮延開賽前,丹尼爾到現場為她打氣,可惜最後落敗。
大台播奧運,唔少人由開幕開始,鬧到而家都唔收口,不過筆者係典型香港人,又要鬧又要睇,因為真係無選擇。

正所謂,十隻手指有長短,大台有啲嘢做得唔好,不過點都有啲地方值得讚賞。其中一樣,就係搵咗我偶像丹尼爾遠赴巴西採訪。 (仲有一位要讚嘅,係晚晚同黃興桂喺明珠台講游水專家陳sir,佢真係一部游泳界活字典!)

上次筆者訪問丹尼爾 (見《[一個傳奇的誕生] 丹尼爾 vs 陳恩能 愛做有意義的事》),佢已多次表明,喺工作上,佢會堅持「做有意義嘅事」。佢呢次做嘅故仔,係講奧運嘅「難民隊」:

(TVB節目片段,截自丹尼爾Facebook專頁)

而丹尼爾喺蘋果日報嘅專欄,亦以文字記載更多細節。丹尼爾話佢採訪難民隊嘅柔道代表,佢嚟自剛果,因為戰亂慘遭父母遺棄,連父母兄弟都未見過一見。

丹尼爾寫道:

「我問了記者會最後一條問題:既然全球電視台都在這裏,請問,你有甚麼想跟失散多年的家人說?現流落巴西、將代表難民隊出戰奧運的他深呼吸後說:『我有兩個兄弟……失散多年,我不知道他們的樣子(輕擦眼淚)……(直望鏡頭)如果你在電視看到我,你就知道你的兄弟現時在巴西……alive and well。』話音未落,他已伏在桌上哭成淚人。他的名字,叫Popole Misenga。」

[里約奧運] 丹尼爾在巴西「做有意義的事」 3
圖: bento.de
作為觀眾,我希望能夠到巴西採訪嘅記者或主持人,珍惜呢個咁難得機會,好好發掘一些「人」嘅故事,而唔係去讚嘆「林丹好靚仔」、「菲比斯好友善」乜乜乜。

雖則咁樣俾丹尼爾搞一搞,洋蔥會大賣,不過,洋蔥當造,唔怕斷市!

訪問劍擊手張家朗,丹尼爾問:「你係咪撐中國男籃?」令人細味。
訪問劍擊手張家朗,丹尼爾問:「你係咪撐中國男籃?」,同樣令人細味。

圖片及短片截自:丹尼爾 vs 陳恩能 Facebook專頁

更多:
Fitz.hk Facebook專頁
[里約奧運] 水神菲比斯 一日食12,000卡路里!
[人人奧運] 丹尼爾 x 葉姵延 由黑妹變辣妹
[人人奧運] 丹尼爾 x 黃蘊瑤 與鐵血女車神一盅兩件
[一個傳奇的誕生] 丹尼爾 vs 陳恩能 愛做有意義的事