受疫情影響,原本我喺2020年計劃咗一連串海外登山計劃,但通通都要放棄。其實留喺香港仍然可以繼續挑戰自己,於是,我以「Project Alone」為新目標。「Project Alone」係一個 Rope Solo 攀登計劃,以獅子山為藍本,再加上魔鬼山同飛鵝山,採用多段式攀登,用跑步的方式連成一缐,成為一個完美的「三山計劃」。

Paul sir 張志輝是第一位連續登頂兩座 8000米山峰 (珠穆朗瑪峰和洛子峰) 的香港攀登者,並且擅長攀石和越野跑,由於 Paul sir為人較低調,讓他的創舉在香港的「戶外」群體中鮮為人知。

Rope Solo 係一種有保護嘅單人攀爬,攀登者雖然有保護,但係無人輔助,無論上繩定收繩,成個攀爬過程中都要自己做哂,自己幫自己做保護、做 support。無論對體力或心理質素的要求都相當高,缺一不可;所以,今次可以説是對自我極限的重大挑戰。

呢個「Project Alone」計劃,除咗係要突破自己,更希望鼓勵大家,面對疫情,面對種種挑戰,更要為理想而努力活着。就算有時只有自己一個人,也有力量去面對和解決困難。計劃已經完成,並拍成紀錄片《Project Alone》。

Project Alone 路線

  • 路線全長17公里,總攀岩高度333米
  • 油塘嶺南古廟.【攀爬】魔鬼山「戰爭迷霧」.魔鬼山炮台 (衞奕信徑第3段).將軍澳華人永遠墳場.澳景路.五桂山三角網測站.五桂山航空導航反射器.馬油塘村.翠林路.大牛湖.心朗村.井欄樹村.飛鵝花園.飛鵝山道1號.自殺崖.【攀爬】飛鵝山「日落裂縫」.飛鵝山發射站.象山.飛鵝山觀景台(衞奕信徑第4段).沙田坳道獅子亭.獅雉坳.獅子山底回歸亭.【攀爬】獅子山

《Project Alone》紀錄影片

「Project Alone」計劃,我要一邊工作,一邊備戰。紀錄片全長14分鐘,中英文字幕,三人拍攝團隊用了接近3個月拍攝和製作,希望大家喜歡。

鳴謝: Patagonia Hong Kong


文章為作者意見,不代表Fitz立場。
歡迎投稿: http://fitz.hk/contribute/
首頁 > 運動 Sports > 攀石 Climbing > Project Alone: Rope Solo 攀登計劃.貫穿香港三大岩壁 (魔鬼山、飛鵝山、獅子山)