ViuTV節目《單車踩爆日本》播出之後，激起唔少人「返鄉下踩單車」嘅興趣，大家發現用另一個方式去旅行，可能會有更新嘅體會。
原來整個節目拍足22日，兩位主持差唔多每日踩足十幾粒鐘，確實少啲精力都唔掂。當中男主持 Brian 陳安立，經常逼迫女主持 Chole 蘇皓兒，其實原來佢係單車高手?
Brain 可以話係 Viutv 主持人裏面嘅「運動擔當」，好多時遇上需要展露體能嘅環節，就會見佢身影。最令人印象深刻就係無端出現《Error自肥企劃》，踩住單車載 Error 玩遊戲。
----- 廣告 Ad -----
翻查網上資料，Brain 熱愛耐力運動，佢跑過57公里越野跑，亦成功完成100公里樂施毅行者。2018年，佢更加去台灣參加三項鐵人賽，玩嘅係奧運距離: 游泳1500米、單車40公里、跑步10公里，訓練少啲都搞唔掂。
《單車踩爆日本》
逢星期六晚8時播映，大家可以睇更多Brain同Chole踩單車。
晴子
我愛櫻木!