世界各國仍然受到疫症威脅,大型單車比賽難以舉行。國際單車聯盟 UCI 早前與運動平台 Zwift 合作,搞咗一場名義叫電競賽 (Esport),實際又屬虛擬單車賽 (Zwift UCI Cycling Esports World Championships)。來自22個國家132名專業單車運動員,匿喺屋企對住大電視,喺一個叫 Watopia 虛擬島嶼上鬥車,爭奪合共28,000歐元嘅獎金。

結果由南非的 Ashleigh Moolman-Pasio 及德國 Jason Osborne,分別奪得男女子組冠軍。

紐約時報: 虛擬騎行作弊盛行

於賽事舉行當日,《紐約時報》報道,指以 Zwift 為首的單車平台,過去存有不少漏洞,令這類網上賽事成造假溫床。參加者為求金錢及名譽的獎賞,不惜鋌而走險。作弊情況包括:

  • 服食禁藥,以提供身體運動能力。英國單車手 Cam Jeffers 曾被指於虛擬賽中服食興奮劑,被禁賽半年。
  • 改動賽事數據。包括干擾訓練器、賽事電子紀錄。英國車手 Lizi Duncombe 曾因此而被取消比賽資格。但 Lizi 反駁話佢當時係因為電腦無電,致使數據有錯。不過 Lizi 上訴失敗,維持原判。

《紐約時報》訪問運動裝備 Blogger DC Rainmaker,Rainmaker 指責呢類平台忽視問題,舉辦賽事人員缺乏責任感,致使問題日益嚴重。

參加虛擬賽情況

世界賽打擊作弊

事實上,這次 Zwift UCI Cycling Esports World Championships 已致力打擊作弊問題,方法有:

  • UCI 以實體賽事嘅準則,抽樣檢驗選手服藥情況
  • Zwift 加強檢查選手設備,以防有人造假,並於單車手柄加設sensor,雙重測量選手速度及距離

不過,呢啲措施都被 DC Rainmaker 為門面功夫,佢哋話「根源其實係選手心態問題,任何措施同設備都唔可以防犯一個有心出術嘅人。」

資料: 紐約時報UCI

首頁 > 運動 Sports > 單車 Cycling > 國際單車聯盟UCI世界虛擬賽 Zwift程式公正性受質疑