[地主大反擊] 封澳景路阻單車活動

管理員用鐵欄欄住成條路

更新 8/8 1800: 我們今天去信到陳繼偉區議員查詢該處使用權問題，議員辦事處說已收我們查詢，並稱會盡快回覆有關問題.

早兩日Randonneurs Hong Kong舉行騎乘活動，活動由粉嶺起步，粉嶺結束，踩足200公里。

不過佢哋行經將軍澳嘅著名斜路澳景路嘅時候，附近屋苑嘅管理員將道路封閉，話呢條路佢由佢哋管理，唔可以踩單車、跑步，甚至步行。即係連推車（甚至唔推車）行過去都唔得！結果，參加活動嘅朋友唯有搭地鐵，先可以繼續活動。

事實上，澳景路全長2.2公里，斜度為1:10，可以話係跑友、車友嘅練習地方，而且因為可以進出將軍澳同藍田，跑步練長課，踩車大細冷，都屬必經之地。

睇番澳景路嘅位置，縱使佢屬於私人道路，但佢可以貫通將軍澳同藍田、油塘，如果因為一句「私人道路」就理由，封咗當區一條咁方便，咁受歡迎嘅通道，咁就係有啲不近人情。而政府只係保護所謂產權，而忽略居民需要，亦屬失職。

再睇返，維景灣畔嘅業主會主席陳繼偉，亦係當區區議員，而佢都話呢條係私人道路喎。不過到而家，仲未見到政府方面嘅講法。

究竟呢條係咪真係私人道路？平民百姓係咪真係唔行得？留待有關部門解畫。

更多：
Fitz.hk Facebook 專頁
[開心大發現] 可能係全港最最最短嘅單車徑
[正苦新猷] 灣仔至北角的「推車徑」
[單車節2016] 踩入3橋3隧
[英國標準] 私車家、單車 請保持1米距離
屯門至馬鞍山 2020年踩單車直達
Fitz Cycling 單車