9月25日星期日就係「香港單車節2016」，呢個可謂全港最大型嘅單車活動，今年參加人數多達4600人，活動路線仲伸延至「三橋三隧」，去到汀九橋同尖山隧道，最長一組踩足50公里，大家確一定要做好準備。
路線
50公里路線圖（按圖放大）
30公里路線圖（按圖放大）
起步時間
| 清晨5:30至上午8:00 | 50公里挑戰組 |
| 上午8:15至10:00 | 30公里悠遊組 |
| 上午9:00至9:30 | 兒童及青少年單車樂 |
| 上午9:45至10:45 | 家庭單車樂 |
| 上午11:00至中午12:00 | 隊制計時賽 |
| 中午12:00至12:20 | 總裁慈善及名人單車遊 |
| 下午12:30 | 上午賽事頒獎儀式 |
| 下午1:05至1:45 | 男子公路繞圈賽 |
| 下午2:00至2:45 | 女子公路繞圈賽 |
| 下午3:00至5:00 | 國際專業公路繞圈賽 |
| 下午5:15 | 下午賽事頒獎儀式 |
----- 廣告 Ad -----
參加者注意：
1. 食早餐
雖然呢次唔係比賽，不過50公里一組要喺2.5小時完成，都唔可以太慢。所以，起步前記得預留時間食早餐 (最好喺起步前一至兩小時食早餐)。唔係踩踩下無晒能量，原本開開心心嘅活動就會變咗受難咯。
早餐以碳水化合物為主，盡量唔好食含高脂肪同刺激性嘅食物，以頻頻要搵廁所。
2. 中途補給
帶定水同食物喺身，以免中途無嘢食無水飲。
3. 留意天氣
天文台預告當日有雨，如果可以就換定粗身車呔。活動期間亦留意當風位置 (如昂船洲大橋、青馬大橋)，小心單車被強風吹反。
----- 廣告 Ad -----
4. 小心過彎
前人經驗，話路線好多時彎彎曲曲，過彎要小心，寧願慢啲，都唔好炒。
5. 盡量踩路中間
公路兩旁有坑渠蓋有垃圾，盡量唔係走埋去，以免跣呔。
6. 切勿自拍
大會今年講明，活動中途停低自拍，被捉到嘅話會禁止參加下年活動。想影相，唯有諗啲方法 (如扮鬼扮馬)，等官方攝影師捉到你啦。
至於無參加活動嘅市民，當日會有大規模嘅封路，如果塞車，希望大家可以忍一忍！
更多：
Fitz.hk Facebook 專頁
[劍橋研究] 香港市內踩車 4小時就要停!
[大件事] 維珍老闆炒單車 以為自己會死!
[90後本土遊] 通宵環新界單車遊 (大冷) 附路線教學
[開心大發現] 可能係全港最最最短嘅單車徑
Fitz Cycling 單車
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。