----- 廣告 Ad -----
![](https://i0.wp.com/fitz.hk/wp-content/uploads/2020/08/香港單車徑-減速欄成安全隱患-5.jpg?resize=760%2C428&ssl=1)
一條路有6支減速欄
香港單車徑減速欄之多,已經成為國際笑話。早前筆者提及政府設計單車徑上嘅問題,減速欄可以話係「跌車欄」,點知話口未完,真係有宗跌車意外。
屯門區議員 張錦雄Kenneth Cheung 收到街坊報告,情況係咁:
「我住藍地。今朝踏單車,在單車徑上遇到一障礙物,失衡跌倒,人仆單車上受傷,被途人發現送院。現在想向你反映這問題。本身我係靠左踏車的,但係去到呢個位左邊嘅單車徑又有沙石以及突出嚟嘅植物所以去到盡頭的時候,在確定沒有其他人的時候,我就選擇右邊的單車徑,結果就撞上了這個毫不顯眼的障礙物。照過超聲波同埋 X-ray 醫生話見唔到有骨折或內臟出血嘅情況,叫我返屋企休息下,畀咗啲止痛藥。我而家個肚就隱隱作痛,希望冇大礙。」
----- 廣告 Ad -----
![](https://i0.wp.com/fitz.hk/wp-content/uploads/2020/08/香港單車徑-減速欄成安全隱患-1.jpg?resize=466%2C708&ssl=1)
圖片提供: 張錦雄Kenneth Cheung 議員
![](https://i0.wp.com/fitz.hk/wp-content/uploads/2020/08/香港單車徑-減速欄成安全隱患-2.jpg?resize=760%2C369&ssl=1)
圖片提供: 張錦雄Kenneth Cheung 議員
8月25日更新: 附近一帶單車徑狀況
![](https://i0.wp.com/fitz.hk/wp-content/uploads/2020/08/香港單車徑-減速欄成安全隱患-21.jpeg?resize=760%2C642&ssl=1)
圖片提供: 張錦雄Kenneth Cheung 議員
![](https://i0.wp.com/fitz.hk/wp-content/uploads/2020/08/香港單車徑-減速欄成安全隱患-22.jpeg?resize=700%2C700&ssl=1)
圖片提供: 張錦雄Kenneth Cheung 議員
車友撞到拆斷嘅減速欄之後,失平衡跌倒受傷送院,好彩最後無乜大礙。而事發地點係屯門青山公路藍地段近桃園圍,單車徑只係貫通附近幾條村落同公共屋邨,所以行人少單車少,亦令有關部門借機忽略。
![](https://i0.wp.com/fitz.hk/wp-content/uploads/2020/08/香港單車徑-減速欄成安全隱患-4.jpg?resize=760%2C428&ssl=1)
事發地點一步之遙嘅兆康站,單車泊位生滿野草
![](https://i0.wp.com/fitz.hk/wp-content/uploads/2020/08/香港單車徑-減速欄成安全隱患-7.jpg?resize=760%2C428&ssl=1)
單車徑甚少有人維修
事實上,政府於規劃及設計單車徑方面,一直為人所垢病。而單車徑往往缺乏維修,更成為大眾安全隱患。政府力推嘅「新界超級單車徑」將於9月通行,到時騎單車人士將大增,但屯門這一類失修嘅單車徑,絕對唔可以應付市民所需。
其實大家都係想安安全全踩下單車啫,唔係要大家耍埋雜技呀嘛。
筆者感謝 張錦雄Kenneth Cheung 議員幫忙,提供上述個案。