早排有三項鐵人賽，據稱因為居民投訴，政府拒絕封路，單車項目取消，三鐵變成兩鐵。而計劃多年，環繞新界九龍嘅香港超級單車徑，又係只聞樓梯聞，令人覺得，呢個政府似乎好唔歡迎單車友。
不過，有時都唔明呢個政府搞邊科，旅發局喺10月10日及11日，搞咗個香港單車節。嗱，嗰啲咩美食攤檔、音樂表演、遊戲攤位，相信大家已經估到咩質素，但係各位單車友，真係要留意單車節入面嘅賽事：
10月10日
公路繞圈賽
公路繞圈賽分為三個組別的賽事，包括：國際專業公路繞圈賽、男子公路繞圈賽及女子公路繞圈賽，於尖沙咀的環形公路賽道以繞圈方式進行，由專業單車選手爭奪錦標。
參加對象：
國際專業公路繞圈賽（獲邀請的19至50歲專業單車選手）
男子公路繞圈賽（14至65歲的男士）
女子公路繞圈賽（14至65歲的女士）
10月11日
35公里挑戰組（開放公眾參與）
性別不限，可以個人或四人一組形式參加，路線由尖沙咀起步至馬灣，再返回尖沙咀，沿途經西九龍公路、昂船洲大橋及青馬大橋。
10公里悠遊組（開放公眾參與）
性別不限，路線由尖沙咀起步至南昌，再返回尖沙咀，沿途經西九龍公路。
----- 廣告 Ad -----
兒童及少年單車樂、家庭單車樂（開放公眾參與）
尖沙咀的環形公路賽道
嗱，呢次由政府法定機構搞，保證唔會因為居民投訴而唔畀封路。鬧市踩單車，真係機會難得，報名詳情七月份將有更多公布。
資料來源：香港旅遊發展局
更多:
「超級單車徑」又斷唔得晒
[擁抱路權] 單車絕對不讓私家車的原因!
Fitz Cycling 單車
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。