香港單車節曲終人散，睇電視新聞影嚟影去都係啲小朋友玩得幾開心，一家大細踩四碌車有幾溫馨。不過，網絡上面似乎係另一番景象。
揸呠呠車嘅朋友，就喺星期日一朝早，已經不斷投訴當局嘅封路安排。有人話當局宣傳以及現場指不足，令駕車人士未能及早改變路線。例如有屯門出九龍嘅朋友，就因為咁照行三號幹線；東涌出九龍，就根本唔知會封路，搞到車龍長幾公里。
而著名體育評述員陳恩能，在其個人facebook留言，話「周日封路混亂，這根本無可抵賴」。佢以佢曾經喺英國揸車去銀石賽車場睇MotoGP同F1嘅經驗，話人哋就算有十萬八萬人觀賽，咁大人流仍然唔會混亂。值得一讚就是，陳恩能貴為單車節大會評述，仍能有碗話碗，極具氣概。
另一個網上群組「慢騎主義」，亦撰長文批評單車節完全不屬於大眾活動。
- 活動只接受「競賽型的「公路單車」(Road Bike, RB)。即使流行的「山地單車」( Mountain Bike, MTB) 並無參加資格，「小輪徑單車」、「摺疊單車」和 「Fixed Gear」 同樣被拒……」
- 香港大多數單車愛好者視單車為生活一部份，佢哋喜愛踩車車郊遊、購物、遊覽，所以批評單車節「與大部份單車愛好者隔絕關係」。
單車節由開始至結束，都喺惡評之下進行，下年唔知點改善……
更多：
Fitz.hk Facebook 專頁
自行車騎士進階訓練建議
單車冷知識之合法的並排騎單車?!
Fitz Cycling 單車
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。
