北角驚嚇意外 單車友捲巴士車底大命無恙

網上流傳短片，一部單車於北角英皇道皇都戲院對出，打算越線爬過一部行駛中嘅巴士，點知懷疑因為踩落電車軌「跣軚」，單車手在巴士車頭跌倒。好彩巴士車長閃避及時，未有釀成意外。

事後巴士司機落車視察，「大步檻過」嘅單車手自行起身並示意無大礙，最後坐上單車繼續行程。

巴士公司: 車長反應敏捷

《香港01》引述新巴回覆，證實單車手並無受傷自行離去，其後車長亦有通知公司及報警，新巴並讚揚其反應敏捷。

事件連環圖

網民: 踩單車做乜要搵命搏?

唔少網民都對呢單意外議論紛紛，而留言大多數指，單車手雖然未必犯交通規例，不過態度值得商榷:

• 嗰到有4條行車線，單車無必要行到最右線啫
• 最右線有電車軌，單車踩入去其實好危險
• 雖然話巴士車速較慢，但應該慢唔過單車，單車讓巴士行先，咪唔會發生意外
• 單車其實想點踩都得，不過要交牌費同埋買第三者保險先

事發位置

總之馬路上，踩單車又好，揸四個碌亦好，事事小心唔好逞強，都係避免意外正確態度。