南昌站商場免費單車泊位 唔怕日晒雨淋單車被偷

香港推廣單車出行最大問題，除咗單車徑零規劃、鬧市踩單車被其他道路使用者針對，就係單車泊位問題。最近南昌站有商場就將商場一角劃為單車泊位，都算係一件好事。

南昌嘅 V Walk 喺商場三樓設置單車泊位，可直立停放十幾部單車。單車放喺商場之內，可避免日曬兩淋，而呢到亦有CCTV，被偷嘅可能性較低。要注意嘅係，泊單車記得自己帶鎖。

不過，商場對出係行人路，所以唔好諗住一腳踩入商場，要落車推呀!

資料:  Vwalkhk、九龍綠色通道 Kowloon Greenway