差唔多每個單車友都話要環台，不過大家除咗要練氣練腳力之外，仲要搞一輪資料搜集。既要搵住宿，又要搵路線，有啲認真嘅朋友，更加要搵部補給車沿路跟住。
台灣傳媒就報道，話全長939.5公里嘅環台單車徑，將會喺今年年底通車。到時除咗大家可以安安全全踩車環遊台灣一圈外，亦唔使擔心補給問題。因為佢每隔20公里設一補給站，有商店、飲水機、加氣站等，而單車徑亦會穿過各地嘅名勝，又有完備嘅路線指示，保證唔會迷路咁話。
----- 廣告 Ad -----
報道亦話，呢條叫「環島1號線」嘅單車徑，會經過各個主要車站，方便大家揀幾段嚟踩。到時，去台灣出巡嘅朋友，大可安排一日半日喺台灣踩番轉。
按：民國104年，即公元2015年
資料：台灣聯合報
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。