Fitz > 運動 Sports > 電競 E-Sports > 賽事停擺電競大熱 男兒當入樽也來趁熱鬧

F1實體賽事無得玩，唯有打下機說話全球各類型運動比賽完全停擺，各條全球知名嘅運動頻道，都頂唔住無嘢播，於是就 銳變成為History Channel，播下經典賽事。至於嗰類全天候以單一運動作招徠嘅頻道 (如 NBA TV、F1 Live)，假如真係播到無嘢好播，都仲有絕招，就係直播打機!

F1車手玩電競

F1方面，索性搵旗下車手去挑戰電競選手，不過車手反應麻麻。上屆總季軍韋斯塔本 Max Verstappen一口拒絕，佢話:「我一生人嘅目標就係要拎賽車冠軍，你叫我玩一樣我無把握嘅嘢，仲要同人鬥? 咪搞我!」

F1 嘅電競賽究竟搞成點，暫時未有消息，不過因為正式比賽無得玩，令呢類運動遊戲得以大受歡迎。

西甲電競盃

大受疫情影響嘅西班牙甲組足球聯賽，早前亦有《FIFA20》舉辦「西甲電競盃」。除了巴塞隆拿及馬略卡因贊助原因退出，其餘18支球隊均有派球員參賽。結果皇家馬德里由阿辛斯奧代表，決賽以4:2擊敗雷加利斯奪得冠軍。賽事吸引咗17萬人觀看，籌集到超過14萬歐元 (約116萬港元) 用作抗疫用途。

男兒當入樽手遊

運動遊戲大熱，但屋企無遊戲機可以點? 櫻木花道或者幫到你!

《男兒當入樽》手機遊戲以動漫為故事主線，玩家可操控櫻木花道、流川楓、三井壽等原作出場角色，體驗湘北高中籃球隊，以稱霸全國為目標的縣大賽之旅。每位球員亦具備不同絕招。基本遊戲是3對3半場模式，更有1對1、2對2隊際、3對3、5對5全場等多種比賽模式。遊戲現時接受預約登記 (Android | iOS)，但購買後是否需要大量課金就不得而知了。