Fitz > 運動 Sports > 極限運動 Extreme Sports > 柏林滾軸溜冰馬拉松.「滾友」之柏林馬三年誓約

柏林馬剛剛落幕,相信香港一眾跑友除咗睇住 Eliud Kipchoge 點樣破世界記錄,自己都一定有啲腳痕痕。我地一班爸媽級「滾友」就有幸係0+3既加持下,完成柏林馬之三年誓約。

話説2020年疫情爆發,世界停頓,滾軸溜冰賽事亦無可幸免。一班家長因為暫時唔需要為小朋友打點比賽事情而自己都染上「滾癮」,連同幾位年輕人,決意一齊去挑戰柏林滾軸溜冰馬拉松! 可惜2020年賽事暫停,2021年疫情未減以及14天回港隔離實在係另一挑戰,所以大隊一直拖到今年2022年誓要出發!

三年無外出,各位團友一到步當然就係血拼啦! Expo 除咗有跑步既產品賣之外,其實都有條少少既 inline village 俾各位滾友入貨的! 但係無論 shopping 有幾吸引,都唔及終於可以戴上比賽手帶興奮!

鮮為人知旳滾軸溜冰馬拉松其實喺跑步馬拉松前一天進行,下午3:30起跑,大家當日有充足既時間處理器材。同跑步一樣,參賽者需要按時間在不同組別起步,由於大部分團友都是第一次參與馬拉松賽事,所以可以齊上齊落齊上線!倒數起步的1分鐘,音樂一轉,大家都準備好… 衝呀!

42.195公里的馬拉松,冠軍級跑手用了2:01完成,而冠軍級滾友只需56分鐘就完成。而我們各位團友都順利在2:30內完成,終於完成了期待3年的挑戰!

玩足兩日柏林馬

完成了滾軸溜冰馬拉松並不是今次旅程既完結,因為其中3位團友仲參加埋第二日既跑步馬拉松!所以第二天,大家就化身成支援小隊在柏林城市內進行 City Hunt! 除咗幫3位隊友打氣,仲堅守跑界「無獎都要有相」的作風,最後3位都順利以 Sub-4 同 Sub-6 既成績完成賽事!

本團最後一個環節,當然唔少得旅遊一番! 大家除了遊覽了柏林,仲有去其他城市參觀同購物。雖然行程短短只有一星期,但卻相當精彩,團隊間互相合相的精神令大家都把所有難關克服了! 大家還相約好明年再戰! 仲話要挑戰做 Double Finisher 添! 一班爸媽級都能夠突破自己,證明有心唔怕遲,大家快啲為自己定立一個挑戰目標啦!

Double Finisher

文章為作者意見,不代表Fitz立場。
歡迎投稿: http://fitz.hk/contribute/