滑翔傘「空襲」西貢農莊，踩爛農田欲賠$500了事

近日網上流傳一條短片，片中有滑翔傘於西貢一所私人農莊降落，破壞農田及農莊設施。農莊職員於 Facebook 發文，指呢名滑翔傘玩家，欲向農莊主人賠償$500了事，職員又指近期「一日幾十架降落」，除咗毁壞農莊農作物及設施，亦對農夫造成生命威脅。

事件在網上熱議，有網民亦分享其被滑翔傘「空襲」經驗，不少人覺得滑翔傘運動並無嚴格監管，容易造成意外。

滑翔傘運動受民航署監管

事實上，香港滑翔傘運動受民航署監管，經營有關行業須向民航署申請牌照。而滑翔傘只可於日間飛行，以及在以下地方進行:

• 浪茄灣
• 北潭凹
• 八仙
• 馬鞍山
• 西灣
• 石澳
• 南大嶼山以東
• 南大嶼山以西

法例並且講明，滑翔傘「不應在未經土地擁有人許可的情況下，降落在私人物業上。」所以，如果有滑翔傘空降私人產業，業主理應可致電報警，並追討民事索償。

早於幾年前，東網亦報道滑翔傘嘅滋擾問題，報道指唔少滑翔傘會誤墜樹林、糾纏於大樹，玩家竟然鋸樹解困，破壞郊野環境。

相關短片

新聞來源: 頭條新聞、東網