貴為大殺傷力武器的Rachel, 係咁兒flirt吓, 多多仔都死在她手上。佢條新仔啱哂數, 職業是香港人景仰的所謂金融才俊, 他叫岑大司, 在大行做二流分析員, 間中做財經演員。住大潭, 開Land Rover Discovery, 直都無咁直, 牌面贏到開巷。
第三種是自戀狂
岑大司是健身男生裏我認為最攞你命三千的一類 – 自戀狂, 他迷戀鏡中自己至無法自拔的地步。這類男生, 我見過不少, 我真係見過。
最經典一次是中午lunchtime我趕著索K, 在更衣室換衫時已經見到Rafael圍著大毛巾在吹頭照鏡, 跟他打個招呼後, 我便極速換鞋換衫換褲。好彩給我找到僅餘的一部跑步機, 即刻擒上去索了8K, pacing全程四分四十。身水身汗返回更衣室, Rafael仲係度照緊鏡。
我問他:「炒咗呀? 依家唔使做呀?」
他話:「我有嘢想問你呀?」
我話:「我要趕住沖涼, 要問就快。」
他問我:「點解我老豆老母生得我咁靚仔嘅? 靚仔到連我都愛上咗自己, 我係唔係有病呀?」他側著面盯著鏡中倒影, 邊問邊輕撫自己的臉龐。
我答:「問你老母啦! 我覺得你一啲問題都無, 要怪就怪你老豆老母生成你咁樣喇!」
他好幽怨地回答我:「多謝你呀, 陳伯, 你真係識得安慰人嘅唧。」
我答:「Anytime, 不過我依家急屎, 搵日食飯再傾。」
我唔話開大都幾難甩身。自戀男就是果啲將健身房當成現成背景、瘋狂selfie，或是迷戀自己身材的時間遠超過健身時間的男生，他們就是無法脫離鏡中的自己，純粹去享受盯著鏡中自己的感受，這些人通常運動快速，然後讓身體的線條緊繃之後，就可以開始自拍跟擺pose。
Rachel話岑大司樣樣都好, 奇怪地, 她就是容忍不到他的自戀狂, 要她照單全收很是為難。平時出街, 他因為好姿整經常遲大到, 遲得仲勁過Rachel多多聲。有時行行吓街, 見到鏡時他會突然停下照一輪。在cafe飲咖啡, 遇有鏡係周圍, 他會叫Rachel移左移右等他見到鏡中的自己, 之後擺pose, chok 著飲嘢, 全程零交流。
駱駝的最後一根蘆葦發生在菠蘿雞, Boracay……….[下篇再續]
更多：
Fitz.hk Facebook專頁
寫給女生看的男『尖』Room風光 (二)
寫給女生看的男『尖』Room風光 (一)
跑步潮語字典 (上篇)
Yiu Kwong Chan＠Fitz.hk
Fitz Running 跑步
⮑ YAS BYKE 踩車保 保障全港所有單車可行走的公路，任何想踩車的地點都可受到保障，
愛跑步同港式抵死廣東潮語，sub-4是終身志業，希望以文章和跑步結識朋友。
分享連結:
