自從 GYM RM 解禁之後,加上本身 Physical 嘅會藉又完左,馬上就 join 左一間新既24小時GYM RM,正式開始負重訓練。

回想返我呢個天生瘦底有肚腩既中佬,初初諗住一野就可以入 GYM RM 操。但原來入門真係唔需要浪費去 GYM RM 既錢,因為係屋企做一啲只係利用自身體重無器械既動作,已經可以操到你半死,當然動作一定要做岩。同埋你一開頭根本就唔夠力去做到同做好要用器械既動作,冇錯,我肌肉係弱到咁。

唔係人人都咁好彩另一半係健身教練,好多人都會諗駛唔駛搵教練。有冇健身教練我會咁樣分:

  1. 有健身教練 = 事半功倍,確保姿勢正確,更可以輔助你去”掙扎”最後個兩下
  2. 冇健身教練 + 朋友教 = 睇你彩數,通常朋友教既,有啲岩,有啲錯,練出來可能唔好睇,因為練來練去都係個組肌肉。有時動作做錯又唔知,長期做成傷患
  3. 冇健身教練 + youtube 自學 = 唔係唔得,但你都唔知片入面既動作有咩限制同埋適唔適合你既程度。就選適合,你都要確保整個動作同細節都同片中一樣。不過真係好難,事倍功半
  4. 冇健身教練 + 睇人點做就自己做緊 = 不如慳返啲錢係屋企涼冷氣算

另一個錯誤迷思就係因為我有肚腩,成日都好想去行山做帶氧消脂。冇錯,行山做帶氧係可以消脂,但係同一時間都會消耗埋你既肌肉。短時間內你可能會瘦左小小,但長遠由於自身缺乏肌肉,基本消耗卡路里冇上升,係同樣既食量下,好快又會肥返。對於想增肌既你,行山直頭係同你要做既事係背道而馳。

網上圖片

所以正確既觀念係先唔需要集中減肚腩,而係先鍛練好全身肌肉,當然飲食都要節制。當肌肉 build up後,每日基本消耗既卡路里多左,可能同一個食量已經唔會令你變肥。長遠就變成有肌肉之餘,肚腩都會慢慢消失。

仲有好多呢一刻我有既迷思,好似飲食,HIIT? 負重加帶氧?

未來再同大家分享下。

Uncle A Facebook專頁


文章為作者意見,不代表Fitz立場。

歡迎投稿: http://fitz.hk/contribute/

Uncle A
人到中年,發現除左工作就冇晒生活。於是學人開個page寫下野,直播下打機,吹下水,扮晒KOL