Fitz > 運動 Sports > 足球 Football > 卡塔爾世界盃 |「球迷村」每晚盛惠港幣$1600,似足竹篙灣隔離營

世界盃於11月上演,主辦國卡塔爾將迎接超過120萬名旅客到訪,國內200萬間酒店客房亦已book爆。有見及此,卡塔爾於是諗到興建「球迷村」(Fan Village Cabins),為到訪球迷提供30萬個房間,每晚大約收費183英鎊 (約港幣$1600)。

「球迷村」設計夠晒簡約,房間最多可容納兩人入住,房內設施包括茶壺水煲、每日兩支水,以及雪櫃、床單同浴巾,村內亦有餐廳及商店。

不過,英國媒體批評「球迷村」過份擠逼,仲話似足貨櫃場。香港人相信亦深有同感,因為從高空拍攝相片睇到,呢個「球迷村」同竹篙灣隔離營非常相似。

竹篙灣隔離營

資料: The Sun