香港Garmin官網於7月23日晚未能進入

香港時間7月23日晚上,網上越野跑群組流傳 Garmin 「死機」,手錶與程式 Garmin Connect 不能同步 (sync)。Garmin 台灣官網則發出公告,指因為系統維護,包括 Garmin 客服中心、地圖及軟體更新,以及Garmin Connect、Garmin Express、Launcher 等應用程式都會暫停。其中台灣嘅客務服務要休息三日,最快於下星期一 (7月27日) 先回復正常。

網上越野跑群組帖子
香港用家發現問題

台灣有員工爆料

與此同時台灣 IT 網站 iThome 發表獨家消息,話收到讀者報料,台灣 Garmin 收到總公司通知,公司伺服器及資料庫受黑客攻擊,生產線需要停工兩日。呢個網站嘅專家推測,Garmin 可能遭到勒索軟體攻擊。若果生產線停工兩日消息屬實,咁 Garmin 嘅伺服器亦需要暫停兩日。

根據台灣用家嘅報告,Garmin 應用程式唔可以使用,Fitz 編輯亦嘗試登入並更新同步,失敗之餘更連過往運動記錄亦不翼而飛,感覺有如世界末日,希望有關方面能夠盡快解決問題,還大家安心。

台灣Garmin官網公告
今日大家仲會唔會著呢件衫?

資料: iThomeGarmin HK

張伯倫
自細肥仔一名,後來因發現患有脂肪肝,決心多做運動注重健康,曾參加並完成毅行者,關注所有健康資訊。