三椏村入口唔易搵？

三椏涌

復活節假期第一日，收到老友電話，話佢喺大埔烏蛟騰蕩失路。嗱，我呢位老友絕對唔係行山新手，佢係五屆毅行者，閒閒都廿幾個鐘過終點。對佢嚟講，行山迷路已經出奇，最奇嘅竟然係佢喺烏蛟騰，搵唔到入三椏村嘅路。

山徑嘅入口其實唔難搵，不過呢到有幾條郊遊徑都經過烏蛟騰，佢搞錯都唔出奇。

路徑：

1. 小巴總站（20R，大埔墟站開出），由祠堂往公廁。
2. 公廁左手邊方向à「九担租」路牌直入（烏蛟騰茶山站對面）
3. 中途經過新開張之「有機農莊」，依大路至走（不用上山），可抵三椏村。

（注意：呢條路雖然最多人行，但由於屬村民山徑，所以路牌較少，又沒有標距柱。)

指示牌隱藏在草堆中

烏蛟騰至三椏村呢段，無論距離、路況以及起伏，全部都屬一星級，基本上你抱住個小朋友，都可在三粒鐘內完成。而且，路途景點又多，有樹林、古村、溪流、濕地、海岸公園，終點仲有幾十年歷史嘅餐廳等住你食大餐（我最愛係佢碟薑汁芥蘭）。可以話係全港最熱門嘅郊遊徑之一。

講開又講，就算係行山老手，都唔好輕視行山前嘅準備，輕則老貓燒鬚，重則……唉，好自為之啦。

福利茶室馳名嘅走地雞

更多：
城門主壩有秘道
山雞其他文章
Fitz行山文章