圖: 網友 Eric Chan

2017年8月中,西貢萬宜水庫側嘅白腊村,大幅草地被人以沙泥平整,變為一幅「泥地足球場」。見《[保衛郊野] 白腊村 草地變泥地「足球場」

呢次嘅破壞究竟係邊個所為? 長春社就依照眾多蛛絲馬跡,透露破壞者,係香港聯合國教科文組織協會

長春社喺 Facebook 撰文 咁講:

「香港可持續發展教育學院」聲稱於9月21日「國際和平日」在西貢白腊舉行「和平花園」的奠基紀念活動,我們懷疑早前平整工程與這個「和平公園」項目有關。

根據我們收到的活動行程文件簡介,當日活動包括參觀「和平花園」奠基儀式、簽約儀式、植樹紀念、盆菜宴等。該文件亦指早於今年5月,中國聯合國教科文組織協會全國聯合會主席陶西平來港考察後,便成立「和平花園」籌建委員會,該「和平花園」籌建委員會顧問團除了包括該學院院長、中國聯合國教科文組織全國聯合會主席、香港聯合國教科文組織協會,亦包括持有西貢白腊土地的裕達隆集團。

2017年6月20日《香港商報》,亦有報道相關消息。話嚟自廣州、深圳同香港嘅東江縱隊後代,會出席呢個和平花園嘅奠基禮,以紀念抗戰時代嘅「香港大營救」行動。

事件值得我哋高度關注,因為:

  1. 所謂「香港可持續發展教育學院」,係「香港聯合國教科文組織協會」嘅屬下組織。呢個機構,透過同擁有大批土地嘅財團合作,破壞郊野,政府部門有無一視同仁採取行動?
  2. 長春社指呢個「和平花園」嘅計劃,範圍去到郊野公園內的白腊仔。有關發展隨時劍指郊野公園
  3. 用「可持續發展」嘅名義、用埋「聯合國」個名去破壞郊野,究竟係咩玩法?
按圖放大

有團體舉辦簽名運動要求聯合國教科文組織澄清西貢白腊濕地興建和平花園一事

** 簽名連結 **

搶地搶到用聯合國名義,郊野公園真係笈笈可危!

鳴謝:網友 Eric Chan 提供圖片


更多:
Fitz Facebook專頁
[保衛郊野] 白腊村 草地變泥地「足球場」
究竟發生乜郊野事
[自己山野自己救] 山頭很大 竟容不下公德心?
[郁民教室] 行山垃圾點處理?
Fitz Hiking 行山

分享
Fitz
我哋坐唔定、無時停,唔做運動唔舒服! 只要係有用知識、重要資訊,以至好玩話題,Fitz.hk都會全力搜羅,同時鼓勵「郁民」齊齊參與,打造一個開放嘅運動生活資訊平台。