一般台灣徒步旅程，都係以環島為主，最近就有人採用「南北端大縱走」路線，「切西瓜」貫穿台灣本島。從鵝鑾鼻燈塔開始，經車城、枋山、潮州、禮納里、美濃、甲仙、那瑪夏、阿里山、日月潭、梨山、北橫部分路段、福巴越嶺古道、烏來、陽明山國家公園、最終抵達富貴角燈塔，全長711公里，歷時28天完成。
佢哋統計整個行程，一共行咗1,153,057步，總花費約3萬台幣 (約港幣$8000): 住宿費約1.8萬、餐飲1.2萬，仲有幾百蚊進山入場費。
團隊負責人話，佢哋發現呢次行裝太多，行李太重。亦覺得部份路段可考慮坐車，或分段完成，以應付夏天嘅炎熱天氣。
「南北端大縱走」路線圖
----- 廣告 Ad -----
資料來源: 花東泥土路 台灣Camino
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。