Fitz > 運動 Sports > 行山 Hiking > 台灣桃山發現女屍,行山客為保完屍揹遺體下山

香港好多有人心為咗保護環境,都唔怕辛苦一路行山一路執垃圾。而台灣呢位行山客更進一步,行山發現屍體後,竟然將佢孭落山報警。

事發位置係宜蘭「武陵四秀」之一「桃山」,一名登山服務隊隊員單獨行到呢度,發現路邊有屍體。佢雖然立即報警,但留意到天氣不穩暴雨將至,恐怕雨水會令屍體腐爛,又擔心會有動物破壞,所以佢唔理禁忌,一個人將屍體孭落山下派出所。與此同時,佢又將消息上載 Facebook,希望盡快搵到死者身份。

最後,經媒體及警方發佈消息,終於搵到死者身份,並已聯絡家人。不過依照香港法例,發現屍體應該第一時間報警並交由警方處理,所以台灣呢個處理方法,香港並不適用。

資料: 台灣蘋果日報


⮑ YAS HYKE 行山保 保障範圍涵蓋全港所有山野及行山徑,5程僅需$75 (Fitz 讀者優惠$50/5程),便享有意外醫療、財物以及身故賠償等保障,合共保額超過HK$300,000。