昔日的釣魚翁 圖片來源：http://www.fotop.net/ngminglam/061225
今日收到老友大雄短訊，話釣魚翁山頭近五塊田，正在大興土木。佢附咗幾張相片，令我大吃一驚：
左上方山頭明顯有被燒過痕跡
----- 廣告 Ad -----
咁都得？！
未夠驚嚇，大雄這年來經常出入科技大學，一得閒就上釣魚翁。佢話其實呢一兩個月來都有人做工程，佢仲影到挖泥車修築山路。要注意係，政府工程一定有告示牌講明係咩部門咩工程，但呢部挖泥車就乜都無：
無標記無工人的挖泥車
而最近更出現「古惑」山火。
所謂「古惑」山火，就即係話無緣無故嘅山火。就好似呢排天氣咁潮濕，又唔算係掃墓旺季，要出現嘅機會極低。如果結合埋挖泥車、建築材料等因素考慮在內，明眼人一睇就知其實有人想喺呢度發展。除咗釣魚翁外，清水灣一帶在去年十月開始，不斷有小規模山火。
大雄就利用相片，記錄了呢幾個月來釣魚翁被破壞的經過：
以前的釣魚翁，綠草如茵
----- 廣告 Ad -----
後來林木被斬伐
滿目瘡痍
修築完成的道路
火燒過後的釣魚翁
從Google地圖清晣可見左下方一大片林木被斬伐燒掉
釣魚及其郊遊徑屬於清水灣郊野公園一部份，受到《郊野公園條例》（香港法例第208章）所規管。法例明文指出，在郊野公園範圍內，所有私人及公共的發展工程，均要諮詢公眾（最基本都要問過區議會），以及得到政府的批准，才可以動工。而釣魚翁呢單工程，暫時仲未查到有無做過諮詢。不過根據種種跡象睇，有公開諮詢過而大家唔知，而最後仲要政府肯首嘅機會，簡直微乎其微。
而家大雄已經Call咗政府1823熱線，亦四出搵緊有心社團一齊保衛釣魚翁。各行山友好，特別係行山group嘅朋友，請繼續關注事態發展。
山雞
十歲登上魔鬼山，二十歲游走大帽大東鳳凰釣魚翁大刀屻。志願有二：生個仔要叫阿山；登上喜馬拉雅山，掛上真普選直幡。