小學雞女行山驚見大鵰_01隔離阿婆成日話欺山莫欺水,但我就一直欺水莫欺山。

如果水追求嘅係刺激同技巧,山追求嘅就一定係磨練耐力同意志,完全另一層次,對於我呢啲跳跳紮無時停嘅人嚟講,喺水平線龍精虎猛,一諗到要上山其實真係怕怕。

但作為好勝心極強嘅傻婆,既然知道自己有恐懼,就硬係想挑戰佢,於是我又去咗行山。小學雞女行山驚見大鵰_02a雖然去大浪灣滑浪經過土地灣已經冇數咁多次,但第一次喺土地灣巴士站落車,由旁邊小路慢慢行上打爛呈頂山。

上山路嘅路其實都唔係太斜,以平時有做開運動嘅人來講都游刃有餘,再行一陣已經嘩一聲遠眺大潭灣同赤柱半島。

突然間一個巨型黑影籠罩著整個地面,就好似一隻大鵰喺半空翱翔萬里,而且喺我頭上低飛略過,我即時抬頭一望!原來係一隻滑翔傘,優哉游哉咁喺天上滑行,見證著人類征服大自然規限嘅毅力同勇氣。小學雞女行山驚見大鵰_03其實滑翔傘平時係大浪灣滑浪時見得多,但咁近距離見真係第一次,於是好勝嘅我又同自己講,有機會一定要征服埋呢個!


見完滑翔傘之後喺休息亭右邊的小徑向上走,好快就上到龍脊。小學雞女行山驚見大鵰_04哩段路可以睇到整個石澳、大浪灣同遠處既清水灣半島,連小學雞學返嚟嘅四字成語都要用埋,真係美不勝收!

繼續沿山脊行就可以到達山脊頂,就好似被三百六十度景觀圍繞住我地,喺景觀台除咗可看到紅山半島同赤柱一帶,另一面仲見到一望無際嘅太平洋。

沿住小徑一路行,最後目的地到達大浪灣~ 我哋當然歡天喜地,滑浪去了!小學雞女行山驚見大鵰_05其實對於行山嚟講,龍脊實屬BB級數,好多深山高人可能會覺得小兒科,但對於我來講,就得到一個好好嘅經歷,原來企喺另一個角度,另一個高度睇嘅世界,一樣可以好自由好舒服,我喜歡行山了!小學雞女行山驚見大鵰_06至於實際龍脊路線係點樣行,唔使我講,因為好多地方都有,睇呢度啦!

PingTing C on Instagram

更多:
Fitz.hk Facebook專頁
床上運動初體驗
向著太平洋流的鹽血,香港人到台灣花蓮衝浪小記!
PingTing [email protected]

廣告
PingTing C
一身古銅色肌膚,以追求速度為樂的瘋子,平日卻飾演著電腦前的自閉白領。 努力工作為了瘋狂玩樂,空閒時立刻釋放悶皮,換上戰衣和風浪搏鬥。追得上的人,才能稱為玩伴。