[戶外活動超輕量化] 無佢一定唔得 2
而家啲後生山友,下下衝住去。佢哋嘅格言係:慢慢唔緊要,最緊要快。所以,佢哋一定唔會孭重嘢。
潮流興「超輕量化」ultralight。帶嘢去露營,生果唔帶得 (話有水份好重)、營柱唔畀用 (話用樹枝)、帶少支燈等等,無非都係為咗行李減輕一兩千克。

有人就問我,行山、遠足,孭上身嘅裝備有無得超輕量化?

我一定話得,你唔帶水都可以行山,危險之嘛。

行山要點執嘢我已經喺唔同嘅文章講過好多次,呢次只係想講,想令自己行山遠足嘅背囊輕便的,真係唔少呢件廚房用品。

呢個就係:密實袋


[戶外活動超輕量化] 無佢一定唔得 1

點用:

  1. 將銀包有用嘅證件、銀行卡、銀紙、鎖匙 (只限屋企門匙)、八達通、handphone、尿袋等,放晒入去。咁你就唔使拎個重甸甸嘅銀包,同埋屋企公司抽鎖匙嘞。
  2. 將食物 (蛋糕、餅乾、糖果、乾果等) 拆開包裝紙、罐,直接放晒入密實袋。特別係嗰啲獨立包裝嘅食物,佢哋嘅包裝紙其實唔輕。有人就鍾意行山食罐頭桃,咁你話一罐重啲,定係一袋桃重啲?
  3. 急救包:放膠布、藥物,唔使拎個急救箱。

有人或者會話,你講嚟講去,只乜過係用密實袋入住啲必需品,邊有拎少到嘢呢?

我嘅經驗就係,當你每次出發前,重新執過一次嘢 (包括日日用嘅銀包),你會帶少好多無謂嘢,咁都唔叫超輕重化?更何況,密實袋最基本功能,就係防水!我就試過拎住張滴緊水嘅一百蚊紙找的士數,畀司機拒絕!我一定唔會再試囉!

最後,一定要提醒大家,密實袋都會污染環境,記得重用重用再重用 x 100。

更多:
Fitz.hk Facebook專頁
[母親節獻禮] 帶阿媽去「遊船河」
[CNN推介] 香港5大公眾燒烤場
[由街市出發] BBQ揀場攻略
[唔行無得食] 8大隱世豆腐花
Fitz 生活 Life

廣告
山雞
十歲登上魔鬼山,二十歲游走大帽大東鳳凰釣魚翁大刀屻。志願有二:生個仔要叫阿山;登上喜馬拉雅山,掛上真普選直幡。